یہ پروگرام کس کے لئے ہے؟

چاہے آپ ایک استاد، سہولت کار، گھر پر  یا کسی ادارے میں ٹیوشن فراہم کرنے والی ٹیوٹر، یا   استاد یا ٹیوٹر بننے کی خواہشمند ہیں،  دستک آن لائن ٹیچر ٹریننگ پروگرام آپ کا استقبال کرتا ہے. ہم اساتذہ کے مختلف کرداروں کو تسلیم کرتے ہیں اور ان تمام لوگوں کو فائدہ پہنچانے کے لیے اپنی تربیت پیش کرتے ہیں جو طلبہ کی زندگیوں میں مثبت فرق پیدا کرنے کے لیے پرعزم ہیں.  پروگرام کی فیس صرف ایک ہزار  روپے ہے  جس کے ذریعے آپ اپنی پیشہ وارنہ ترقی میں سرمایہ کاری کرسکتی ہیں۔ یہ برائے نام فیس پورے تربیتی پروگرام کا احاطہ کرتی ہے، جو آپ کو انمول وسائل اور ماہرانہ رہنمائی تک رسائی  فراہم کرتی ہے۔

اس پروگرام سے آپ کیا حاصل کریں گی؟

دستک آن لائن ٹیچر ٹریننگ پروگرام کے ذریعے اساتذہ کے لئےمتعدد ایسی صلاحیتوں کا حصول ممکن بنایا جاتا ہے جن کے استعمال سے ان کی پیشہ ورانہ صلاحیتوں میں نمایاں تبدیلی دیکھی جاسکتی ہے۔ ان مہارتوں میں مندرجہ ذیل شامل ہیں:

•کلاس روم کا موثر انتظام:کمرہجماعت میں  موثر انداز میں سیکھنے کے عمل کو فروغ دینے کے لئے موثر حکمت عملی بنانے کی مہارت جس کےذریعے ایک منظم اور طلباء کی شمولیت سے بھرپور کلاس روم قائم کی جاسکے۔

•سبق کی منصوبہ بندی اور ترسیل: سبقی منصوبہ بندی کے اصولوں سے واقفیت اور ایسے اسباق کی تیاری جو ساخت کے لحاظ سے مناسب  ہوں اور طلباء کو مشغول رکھتے ہوئےاُن تک سبقی موادکو  اس انداز میں پہنچائیں کہ طلباء  کے علم اور ان کی سمجھنے کی صلاحیت میں بتدریج  اضافہ ہو۔

•بہتر فیڈ بیک اور جانچ کی صلاحیتیں: تعمیری رائے اور ہنر مندانہ جائزے فراہم کرنا جو طلباء کی علمی ترقی میں اہم کردار ادا کریں۔

•مختلف اقسام کے تدریسی طریقے اور امدادی اشیاء:تدریسی تکنیکوں اور امدادی اشیاء کا ایک مجموعہ جو مختلف اقسام کے طلباء کی تعلیمی ضروریات کو  پورا کرنے میں اپنا کردار ادا کرے۔

مسلسل پیشہ ورانہ ترقی:   بہتری ، ترقی اور عمر بھر سیکھنے کے جذبے  سے سرشار ماحول کا فروغ۔